港民客廳——圍坐吹水才是正經事

十一月 24th, 2011 § Leave a Comment

每次同朋友出街,黎黎去去都係shopping唱K食野。落街去pub識陌生人,講D野又係表面到死。生活在香港呢個節奏急促既城市,對話總是變得片面,心靈總是感到乾渴。可唔可以搵個地方,大家坐低飲下野食下野,傾下生活,講下文化?可唔可以好似以前大學時代果陣,通宵在天台天南地北咁吹水?如果你有咁諗過,咁「港民客廳」就係你要搵既地方!

我地每月既其中一個禮拜六下午都會在油麻地既TC2 cafe舉辦文化沙龍——一個歡迎香港所有21-35歲青年參加既gathering,活動就係「吹水」——我地會反思生活,討論文化、藝術、哲學等題目,等大家有機會識下朋友,傾下深層既野。活動氣氛casual,lunch任飲任食,一路傾一路食,度過一個寫意的下午,都只係$80,話唔定你仲會識到一見如故既知己添!

第1期沙龍:《節日》—即刻報名參加啦!

十一月 5th, 2011 § Leave a Comment

聖誕節就快到,周圍既商場都開始掛起燈飾。今次第一期的12月聚會,主題會應節講下「節日」。你覺得節日的意義在哪裡?你理想中的節日應該點樣慶祝?今時今日的節日,愈來愈多消費節目,你又覺得係好事定係壞事?

12月3日,黎《港民客廳》,席地而坐,大家吹下水,懷緬一下學生時代在夕陽下無所事事談夢想談青春的那個年代…

日期:2011年12月3日(星期六)
時間:1:00pm – 3:45pm
地點:TC2咖啡館(油麻地砵蘭街106號地下 – 油麻地站A1出口)
費用:$80 – 包任飲任食,有頭盤、意粉、主菜、甜品…
名額:20位
報名方法:填form留座

我們的活動絕對公開開放,歡迎所有21-35歲港人參加!大家黎識下人吹下水啦!

咩係港民客廳?咩係沙龍?
想了解我地更多,click入去「關於我們」或者「常見問題」,或者直接聯絡我地啦!

Follow

Get every new post delivered to your Inbox.